Connect with us

Budaya / Seni

Sareuek Binatang Penanda Tanda-Tanda Alam

Published

on

Sareuek Binatang Penanda Tanda-Tanda Alam

Sareuek Binatang Penanda Tanda-Tanda Alam/foto: youtube

Sareuek Binatang Penanda Tanda-Tanda Alam

(Keuneubah Urueng Awai Warisan Indatu)

 

Jameun kon ngen jeuem watee geukira
Ngon tanda-tanda nyangka Tuhan bri
Jimeusu Sareuek ‘oh malam jula
Jeuem rab poh tiga teuka pancuri
Ka kr’eb-kr’ob Itek jitoh boh subra
Bu Sawo sigra taguen hai Ummi
Ji meusu Cangguek riyoh ka reuda
Imsak rab teuka beuhati-hati
Ngon cikuwaciii, meusu Cempala
Beungoh ka teuka beudoh ushally
Beurijuek Balee kiroh meutaga
Mata uroe ka mirah han sakri
Kadang ‘oh beungoh Got-got pih subra
Nyan saboh tanda ujeuen meunanti
Beurijuek Balee meunye nyang subra
Tanda uroe kha siya meutie-tie
Ureueng peubuet-buet ngieng tanda-tanda
Pajan keureuja meujan khanduri
Geuadee pade janna uroe kha
Beungoh na tanda ka Beurijuek bri
Got-got that riyoh ujeuen toe teuka
Padee ngen ija bek adee Cutti
Laen pih meunan dumpeue usaha
Dum tanda-tanda karonya Rabbi
Bungong poh siploh pih jeuet keutanda
Keumang meunyala ohtroh hat janji
Bungong keupayan keumang ‘oh ‘asha
Mata uroeka poh 4 leubeh hi
Jaku’uek manok karu sa-duwa
Luho ka teuka jeuet jak ushally
‘Ohka meut’i glang meughreb hai Cutda
Jeuet jakwoe sigra bekle meucakri
Duek di Meulasah dang-dang troh ‘Isya
Teureubang Ara ho nyang ji ili
Kadang troh jipo Buloh Blang Ara
Ka watee ‘Isya jeuet kheun ushally
Tapi ‘oh jinoe sapeue tan tanda
Geulantoe kana jeuem jaroe tari
Atawa su Mick watee Bang ‘Isya
Bandum ka langka binatang tadi
Beurijuek tanle Sareuek pih hana
Cot-got Cempala jidrob lee pancuri
Cakeuek nyang meusu jan uroe sinja
Jinoe jareueng na tadeungo bunyi
Kadang u gunong peusiblah mara
Wab manusyia jeumoh han sakri
Abeh binatang didrob publoe ba
Trok bak Meuruwa dilhak kuliti

 

Baca Juga:  Puisi Zubed Aksara: Perihal Rindu, Irni Elsya
Penulis: Akhbar Al-Mutawassila,
Grup Hikayat Nazam Panton Aceh

Loading...

Terpopuler